Ziburu, ontzi batetan ibiliz bisita ezazue Atlantiko Itsas bazterrean eta Pirinioetako katetik hurbil den estazio xarmagarri hau. Itsaskiak dastatuz, zoazte Donibane-Lohizune / Ziburuko badia, haren gotor-lekua eta euskal villa ederrak ezagutzera. Berriz bizi ezazue ordu batez, Ziburu herriaren historia liluragarria.

Zubia zeharkatu eta Donibane-Lohizune, erregeen hirira heltzen zarete. Bertan, Louis XIV eta haren familia egon ziren. Turismo Bulegoan, entzun-gida batzuk aurkituko dituzue, hiri horrek duen aberastasun guzia askatasun osoz ezagutzeko, eta zoazte kortsarioak konkistatzera. Zuen ibilaldia bukatzeko, usu animatua den Louis XIV plazako terrazetara joan zaitezkete.

Getaria herriko norabidea har ezazue (RD 810), eta bidean, Euskal Ekomuseoa aurkituko duzue : kolekzioko 500 pieza baino gehiago, 12 antzezlan eszeniko, komentario, soinu, kantu eta musikez alaiturik. Bisita ahantzezina oren batez, eta ezagut ezazue euskal kultura eta ohidurak, aparteko toki batetan.

Zuen kostako bidaia Getaria herrian, Atlantikoko kostako balneario ttipienean buka ezazue. Kitorik den bisita komentatu batetan, hiri ttipi honek gordetzen dituen xarma eta sekretu guziak aurkituko dituzue. Bi oreneko ibilaldi honen ondotik, surflariak mirets itzazue, Europako spot ederrenetako batetan.

Geldi zaitezte ostatu-jatetxe batetan, ohiko jakien dastatzeko eta eguzki sartze eder bat preziatzeko.

Arbonako herrira hurbil zaitezte. Herri ttipi hau ordoki eta muinoz osatua da, eta lapurtar nortasuna du. Horko eliza bisita dezakezue, zureko lataz egindako soinu estalkiak bururatzen duen arkuzko horma pikoarekin. Hortik hurbil, hilarri borobilezko euskal hilerria aurkituko duzue. Hilarri hauetarik bat, 1590ekoa da. Bukatzeko, Andereseroraenea, euskal ohidura eta historiaren aztarna.

Amarru lagungarriak :

• Donibane-Lohizuneko bisita gidatua,
• Louis XIV etxea eta Infantearen etxearen bisita Donibane-Lohizunen, Getaria Herriko Museoa eta Arbonako Herriko Plazan tailerraren bisita.